Kualifikimet profesionale në Kosovë përmirësojnë cilësinë për të përmbushur standardet Evropiane

E Mërkurë 02 Nëntor 2011 12:20

Kualifikimet profesionale në Kosovë përmirësojnë cilësinë për të përmbushur standardet Evropiane
11.10.2011, E Martë
Prishtinë

Autoriteti Kombëtar i Kualifikimeve (AKK) ka prezantuar sot sistemin e aprovimit të kualifikimeve në kuadër të Kornizës Kombëtare të Kualifikimeve (KKK) dhe akreditimin e institucioneve të cilat do të vlerësojnë dhe lëshojnë këto kualifikime. Kualifikimet do të miratohen për t'u përfshirë në KKK-në e re e cila mundëson që këto kualifikime të krahasohen me ato ndërkombëtare në përputhje me Kornizën Europiane të Kualifikimeve
AKK gjithashtu publikoi rezultatet e gjetjeve të testimit në terren të një numër të ofruesve të arsimit dhe aftësimit profesional në Kosovë të përfshirë në testimin e procedurave të AKK për validim dhe akreditim që është bërë gjatë verës së këtij viti me mbështetje të projektit EU KOSVET V, të financuar nga KE-ja. Testimi përfshinë një vlerësim të detajuar të 15 kualifikimeve nga 8 sektorë të punësimit të prezantuar nga 11 ofrues të Arsimit dhe Aftësimit Profesional (AAP) duke përfshirë shkollat profesionale, qendrat e aftësimit dhe ofruesit jo formal të aftësimit.

Rezultatet e testimit tregojnë që kualifikimet profesionale gjithnjë e më tepër janë duke u hartuar në atë mënyrë që të fokusohen në nevojat e tregut të punës dhe gradualisht janë duke rezultuar me ngritje të cilësisë në arsim dhe aftësim në përputhje me standardet Evropiane.

Puna e AKK dhe partnerëve të saj të cilët punojnë në zhvillimin e kualifikimeve standarde Evropiane për Kosovë do të ndihmojë në punësimin e personave të kualifikuar dhe do të rrisë njohjen e shkathtësive dhe kompetencave të tyre në tregjet vendore dhe ndërkombëtare të punës.

Lexo më shumë: Kualifikimet profesionale në Kosovë përmirësojnë cilësinë për të përmbushur standardet Evropiane

Vizita studimore e anëtarëve te Këshillit Drejtues dhe stafit të Autoritetit Kombëtar të Kualifikimeve

E Martë 11 Tetor 2011 07:33

Vizita studimore e anëtarëve te Këshillit Drejtues dhe stafit të Autoritetit Kombëtar të Kualifikimeve

Vizita studimore
18-24 Shtator 2011
Tallin, Estoni

Një delegacion i bordit të Autoritetit Kombëtar të Kualifikimeve (AKK), i udhëhequr nga Ragip Gjoshi, kryetar i bordit, dhe u.d. drejtoresha e AKK-së Teuta Danuza, qëndroi për një javë në Estoni.Vizita u organizua nga projekti “EU KOSVET V” me kërkesën e Autoritetit Kombëtar të Kualifikimeve të vendit tonë, me qëllim të marrjes së përvojave nga Autoriteti Kombëtar i Kualifikimeve të Estonisë.

Lexo më shumë: Vizita studimore e anëtarëve te Këshillit Drejtues dhe stafit të Autoritetit Kombëtar të Kualifikimeve

Punëtoria: Implementimi i qëndrueshëm i një Kornize Kombëtare të Kualifikimeve

E Hënë 06 Qershor 2011 11:23

Punëtoria: Implementimi i qëndrueshëm i një Kornize Kombëtare të Kualifikimeve
Torino,  Itali
Data: 17-18 Maj  2011
 
Punëtoria  “Implementimi i qëndrueshëm i një Kornize Kombëtare të Kualifikimeve”, është mbajtur në Torino të Italisë, dhe organizuar nga Autoriteti Kombëtar i Kualifikimeve dhe  ETF (Europian Tranining Found).
Në këtë puntori dy ditore përfaqësues të akterëve kryesorë të ILA, AAP dhe partnereve të tjerë social, shtjelluan çështje të ndryshme lidhur me implementimin e qëndrueshëm të KKK-së.

Lexo më shumë: Punëtoria: Implementimi i qëndrueshëm i një Kornize Kombëtare të Kualifikimeve

Punëtoria “Sigurimi i Cilësisë në Arsimin dhe Aftësimin Profesional në Kosovë”

E Hënë 06 Qershor 2011 09:56

Punëtoria  “Sigurimi i Cilësisë në Arsimin dhe Aftësimin Profesional në Kosovë”
Data: 24 Mars 2011
Vendi:  Rings VIP, Prishtinë.

Autoriteti Kombëtar i Kualifikimeve së bashku me Këshillin Britanik organizuan punëtorinë rreth “Sigurimit të cilësisë në arsimin dhe aftësimin profesional në Kosovë”
Ministri i Arsimit Shkencës dhe Teknologjisë  z.Ramë Buja hapi këtë takim dhe u zotua për përkrahjen e pandalshme ndaj Autoritetit Kombëtar të Kualifikimeve,  pasi që ndër prioritet të MASHT-it  është edhe sigurimi i cilësisë në arsim.
Poashtu znj. Arjeta Emra përfaqësuese e Këshillit Britanik konfirmoj mbeshtjetjen  e AKK-se nga Këshilli Britanik në fushën e sigurimit të cilësisë dhe në fushat tjera. 

Lexo më shumë: Punëtoria “Sigurimi i Cilësisë në Arsimin dhe Aftësimin Profesional në Kosovë”